agar gafalat se baaz aaya jafa kee
talaafee kee bhee zaalim ne to kya kee
vaiz na tum piyo na kisee ko pila sako
kya baat hai tumhaaree sharaab-e-tuhoor kee
kyoon na firadaus mein dozakh ko mila len yaarab
sair ke vaaste thodee see jagah aur sahee
raat din gardish mein hain saat aasamaan
ho rahega kuchh na kuchh ghabaraen kya
aur baazaar se le aae agar toot gaya
saagar-e-jam se mira jaam-e-sifaal achchha hai
daim pada hua tire dar par nahin hoon main
khaak aisee zindagee pe ki patthar nahin hoon main
aankh kee tasveer sar-naame pe kheenchee hai ki ta
tujh pe khul jaave ki is ko hasarat-e-deedaar hai
sab kahaan kuchh laala-o-gul mein numaayaan ho gaeen
khaak mein kya sooraten hongee ki pinhaan ho gaeen
aaj vaan teg o kafan baandhe hue jaata hoon main
uzr mere qatl karane mein vo ab laavenge kya
sunate hain jo bahisht kee taareef sab durust
lekin khuda kare vo tira jalva-gaah ho