main ne chaaha tha ki andoh-e-vafa se chhootoon
vo sitamagar mire marane pe bhee raazee na hua
zindagee yoon bhee guzar hee jaatee
kyoon tira raahaguzar yaad aaya
baitha hai jo ki saaya-e-deevaar-e-yaar mein
faramaan-rava-e-kishvar-e-hindustaan hai
ganjeena-e-manee ka tilism us ko samajhie
jo lafz ki gaalib mire ashaar mein aave
donon jahaan de ke vo samajhe ye khush raha
yaan aa padee ye sharm ki takaraar kya karen
nazar lage na kaheen us ke dast-o-baazoo ko
ye log kyoon mire zakhm-e-jigar ko dekhate hain
hazarat-e-naaseh gar aaven deeda o dil farsh-e-raah
koee mujh ko ye to samajha do ki samajhaenge kya
umr bhar ka too ne paimaan-e-vafa baandha to kya
umr ko bhee to nahin hai paedaaree hae hae
mohabbat thee chaman se lekin ab ye be-dimaagee hai
ki mauj-e-boo-e-gul se naak mein aata hai dam mera
taab lae hee banegee ghalib
vaaqia sakht hai aur jaan azeez