taat mein ta rahe na may-o-angabeen kee laag
dozakh mein daal do koee le kar bahisht ko
va-hasarata ki yaar ne kheencha sitam se haath
ham ko harees-e-lazzat-e-aazaar dekh kar
ai nava-saaz-e-tamaasha sar-ba-kaf jalata hoon main
ik taraf jalata hai dil aur ik taraf jalata hoon main
too aur aaraish-e-kham-e-kaakul
main aur andesha-ha-e-door-daraaz
maze jahaan ke apanee nazar mein khaak nahin
sivae khoon-e-jigar so jigar mein khaak naheen
kam nahin jalvaagaree mein, tire kooche se bahisht
yahee naqsha hai vale is qadar aabaad nahin
hain aaj kyoon zaleel ki kal tak na thee pasand
gustaakhee-e-farishta hamaaree janaab mein
poochhe hai kya vajood o adam ahal-e-shauq ka
aap apanee aag ke khas-o-khaashaak ho gae
ne teer kamaan mein hai na sayyaad kameen mein
goshe mein qafas ke mujhe aaraam bahut hai
vida o vasl mein hain lazzaten judaagaana
hazaar baar too ja sad-hazaar baar aa ja