zof mein taana-e-agyaar ka shikava kya hai
baat kuchh sar to nahin hai ki utha bhee na sakoon
hai kaenaat ko harakat tere zauq se
paratav se aaftaab ke zarre mein jaan hai
jab tak ki na dekha tha qad-e-yaar ka aalam
main motaqid-e-fitna-e-mahashar na hua tha
jazba-e-be-ikhtiyaar-e-shauq dekha chaahie
seena-e-shamasheer se baahar hai dam shamasheer ka
ham se khul jao ba-vaqt-e-may-parastee ek din
varna ham chhedenge rakh kar uzr-e-mastee ek din
gunjaish-e-adaavat-e-agyaar yak taraf
yaan dil mein zof se havas-e-yaar bhee nahin
giranee thee ham pe barq-e-tajallee na toor par
dete hain baada zarf-e-qadah-khvaar dekh kar
hai tamaasha-gaah-e-soz-e-taaza har yak uzv-e-tan
joon charaagaan-e-divaalee saf-ba-saf jalata hoon main
dhota hoon jab main peene ko us seem-tan ke paanv
rakhata hai zid se kheench ke baahar lagan ke paanv
vaada aane ka vafa keeje ye kya andaaz hai
tum ne kyoon saumpee hai mere ghar kee darabaanee mujhe