ya-rab zamaana mujh ko mitaata hai kis lie
lauh-e-jahaan pe harf-e-mukarrar nahin hoon main
kyoon gardish-e-mudaam se ghabara na jae dil
insaan hoon piyaala o saagar nahin hoon main
baat par vaan zabaan katatee hai
vo kahen aur suna kare koee
har-chand ho mushaahida-e-haq kee guftugoo
banatee nahin hai baada-o-saagar kahe bagair
paratav-e-khur se hai shabanam ko fana kee taaleem
main bhee hoon ek inaayat kee nazar hote tak
jaanata hoon savaab-e-taat-o-zohad
par tabeeat idhar nahin aatee
dost gam-khvaaree mein meree saee faramaavenge kya
zakhm ke bharate talak naakhun na badh jaavenge kya
ab jafa se bhee hain maharoom ham allaah allaah
is qadar dushman-e-arabaab-e-vafa ho jaana
kis se maharoomee-e-qismat kee shikaayat keeje
ham ne chaaha tha ki mar jaen so vo bhee na hua
tangee-e-dil ka gila kya ye vo kaafir-dil hai
ki agar tang na hota to pareshaan hota