qarz kee peete the may lekin samajhate the ki haan
rang laavegee hamaaree faaqa-mastee ek din
phir usee bevafa pe marate hain
phir vahee zindagee hamaaree hai
jee dhoondata hai phir vahee fursat ki raat din
baithe rahen tasavvur-e-jaanaan kie hue
har ek baat pe kahate ho tum ki too kya hai
tumheen kaho ki ye andaaz-e-guftugoo kya hai
hoga koee aisa bhee ki gaalib ko na jaane
shair to vo achchha hai pa badanaam bahut hai
kitane sheereen hain tere lab ki raqeeb
gaaliyaan kha ke be-maza na hua
kahate hain jeete hain ummeed pe log
ham ko jeene kee bhee ummeed nahin
qaid-e-hayaat o band-e-gam asl mein donon ek hain
maut se pahale aadamee gam se najaat pae kyoon
neend us kee hai dimaag us ka hai raaten us kee hain
teree zulfen jis ke baazoo par pareshaan ho gaeen
bana kar faqeeron ka ham bhes ghalib
tamaasha-e-ahal-e-karam dekhate hain