ghar mein tha kya ki tira gam use gaarat karata
vo jo rakhate the ham ik hasarat-e-taameer so hai
phir mujhe deeda-e-tar yaad aaya
dil jigar tishna-e-fariyaad aaya
jo ye kahe ki rekhta kyoonke ho rashk-e-faarasee
gufta-e-gaalib ek baar padh ke use suna ki yoon
hastee ke mat fareb mein aa jaiyo asad
aalam tamaam halqa-e-daam-e-khayaal hai
huee jin se tavaqqo khastagee kee daad paane kee
vo ham se bhee ziyaada khasta-e-teg-e-sitam nikale
hai khabar garm un ke aane kee
aaj hee ghar mein boriya na hua
ya rab hamen to khvaab mein bhee mat dikhaiyo
ye mahashar-e-khayaal ki duniya kahen jise
ghalib apanaa ye aqeeda hai ba-qaul-e-naasikh
aap be-bahara hai jo motaqid-e-meer nahin
ek ek qatare ka mujhe dena pada hisaab
khoon-e-jigar vadeeat-e-mizgaan-e-yaar tha
bas-ki hoon gaalib aseeree mein bhee aatish zer-e-pa
moo-e-aatish deeda hai halqa miree zanjeer ka