ham ko un se vafa kee hai ummeed
jo nahin jaanate vafa kya hai
ishq se tabeeat ne zeest ka maza paaya
dard kee dava paee dard-e-be-dava paaya
baazeecha-e-atafaal hai duniya mire aage
hota hai shab-o-roz tamaasha mire aage
maut ka ek din muayyan hai
neend kyoon raat bhar nahin aatee
ye kahaan kee dostee hai ki bane hain dost naaseh
koee chaaraasaaz hota koee gam-gusaar hota
kaaba kis munh se jaoge ghalib
sharm tum ko magar nahin aatee
ham ne maana ki tagaaful na karoge lekin
khaak ho jaenge ham tum ko khabar hote tak
poochhate hain vo ki ghalib kaun hai
koee batalao ki ham batalaen kya
aage aatee thee haal-e-dil pe hansee
ab kisee baat par nahin aatee
kahoon kis se main ki kya hai shab-e-gam buree bala hai
mujhe kya bura tha marana agar ek baar hota