ghalib bura na maan jo vaiz bura kahe
aisa bhee koee hai ki sab achchha kahen jise
aashiqee sabr-talab aur tamanna betaab
dil ka kya rang karoon khoon-e-jigar hote tak
pila de ok se saaqee jo ham se nafarat hai
piyaala gar nahin deta na de sharaab to de
rone se aur ishq mein be-baak ho gae
dhoe gae ham itane ki bas paak ho gae
main bhee munh mein zabaan rakhata hoon
kaash poochho ki mudda kya hai
tum salaamat raho hazaar baras
har baras ke hon din pachaas hazaar
ishq mujh ko nahin vahashat hee sahee
meree vahashat tiree shoharat hee sahee
bak raha hoon junoon mein kya kya kuchh
kuchh na samajhe khuda kare koee
aa hee jaata vo raah par ghalib
koee din aur bhee jie hote
tire vaade par jie ham to ye jaan jhoot jaana
ki khushee se mar na jaate agar etibaar hota